Пернеш Ельнар Қайратұлы

Бас директор

Функционалдық міндеттері:

«Инкай» БК» ЖШС (бұдан әрі – Серіктестік) қызметін басқарады, Серіктестік қатысушыларының ұзақ мерзімді басымдықтарына сәйкес даму стратегиясын қалыптастырады, Серіктестіктің даму перспективаларын және ынтымақтастық бағыттарын, кадр саясатын анықтайды. Бас директор орынбасарларының, құрылымдық бөлімшелер басшыларының қызметін үйлестіреді және бақылайды. ҚР мемлекеттік, құқық қорғау, сот органдарында, халықаралық ұйымдарда Серіктестік қызметіне қатысты барлық мәселелер бойынша Серіктестік мүдделеріне өкілдік етеді.

Ельнар Қайратұлы Royal Holloway University of London (Bachelor of science-management), World Nuclear University (Fellow participant of Nuclear Science and Technology) үздік бітірген.

Әр жылдары «Алматы электр станциялары» АҚ МТЖБ бөлімі басшысы, «Балқаш ЖЭС» АҚ жобаны дамыту департаменті директоры, басқарушы директор, «Қазатомөнеркәсіп-Даму» ЖШС бас директорының бірінші орынбасары, кеңесші, «ҮМЗ» АҚ басқарма төрағасының стратегиялық даму жөніндегі орынбасары лауазымдарын иеленді.

ҚР Премьер-министрінің (2014 ж.), «Самұрық-Қазына» ҰӘАҚ» АҚ Басқарма Төрағасының (2012 ж.) алғыс хаттарымен, «Қазатомөнеркәсіп» ҰАК» АҚ-ның 20 жылдығы мерейтойлық белгісімен марапатталды.

Қоса атқаратын жұмысы жоқ.